WANGUN SURAT BAHASA BALI
VERSI BAHASA BALI
KEYWORD :
malajah basa bali, belajar bahasa bali, learn baliness, malajah bahasa bali,stuktur surat bahasa bali, bagian surat bahasa bali, pelajaran bahasa bali, apa itu surat bahasa bali, pengertian surat bahasa bali, cara membuat surat bahasa bali, fungsi surat bahasa bali, tujuan surat bahasa bali
CONTENT :
[Versi Bahasa Bali]
Om Swastiastu,
Ingih suksma ping banget aturang titiang majeng ring semeton sareng sami sane sampun ngerauhin blog puniki. Ring galahe sane becik mangkin titiang jagi nge-post sane ngenenin indik wangun surat utawi swalaptra.
Wangun swalapatra, minakadi sekadi ring sor :
1. Kop Surat
Ring Kop Surat sane kadagingin wantah logo, lumarahnyane logo punika kagenahang ring sisi kebot utawi kebot miwah tengawan; wastan, wastan puniki kasurat agengang malih akidik; email lumrahne kasurat ring sor wastan instansi utawi lembaga , fax, alamat, nomor telpon lembaga utawi instansi sane ngirim surat.2. Tanggal Surat
Pinanggal surat yening nganutin letter look sapatutne katulis ring luhur tangawan. Panulisanne nganutin pormat "WastanGenah , Pinanggal Sasih Yarsa", sakadi puniki : "Seririt, 09 November 2019". Yadiastun lumrah yening nulis Sasih miwah Yarsa kasingkat minakadi "Seririt, 09-11-2019" utawi "Seririt, 09-11-19", punika ten patut.
3. Nomor Surat
Yening irage nyurat nomor surat lumrahne kasurat ring sor kop surat. Nomor surat wiyasanne madaging surat sane kakude, wastan lembaga utawi instasi, miwah yarsa. Sasampunne nyurat nomor surat lumrahnyane kasurat lepihan miwah parindikan. Elingan semeton, yening nyurat lepihan sampunang kruna "lepihan" punika kasingkat antuk "lep." miwah sane lianan lan yening nyurat "indik" sampunang taler kasingkat antuk sasingkattan sane lumrah.
Nah, sane nganggen nomor surat wiyasanne wanteh je instansi utawi lembage, yening surat punika surat pribadi lumrahnyane ten madaging nomor surat.
4. Manggala Surat
Ring panyuratan manggala surat sane kadagingin wantah je wastan sane katuju miwah genah sane jagi nerima surate punika.
5. Salam Hormat
Salam hormat puniki akeh sorohnyane, yening ring Bali lumrahnyane nganggen panganjali umat "OM Swastiasu". Salam hormat puniki katulis ring luhur utawi sadurung daging surate.
6. Daging Surat
Ring daging surat ngenenin parindikan tatujunne suartte punika katulis, ingetang semeton sareng sami mangda ritatkale nyurat daging surat saringkes lan saterangne, sampunang matele-lente jek to the poin manten.
7. Pamuput Surat
Yening sampun wusan nyurat daging surat sampun sapatutne irage nyurat legkare pamuput. Ring pamuput lumrahnyane madaging nunas geng rna pangampura antuk pangatur-atur sane nenten manut ring manah sane nerima surate.
8. Pesengan Miwah Lingga Tangan
Genah pesengan miwah lingga tangan lumrahnyane ring sor bucu tengawan sane pateh teken pinanggal surat. Elingang semeton pesengan sane katulis wantah je pesengan jangkep sane nulis surat.
9. Tumusan
Tumusan lumrahnyane kadagingin ring surat yening surat punika tatujonne marupa instansi utawi lembaga. Kagunanne tumusan wantah je keanggen arsip, bukti, miwah sane lianan.
Inggih semeton sareng sami, wantah punika sane prasida aturang titiang, antuk pangatur-atur sane nenten manut ring manah ida dane sareng sami, titiang nunas geng rna pangampura, sineb titiang antuk parama shanti.
Om Shanti, Shanti, Shanti, Om
Comments