DHARMA WACANA RAHINA SARASWATI

KEYWORD :

dharwamacana , dharmawacana bahasa bali , struktur dharmawacana , bagian dharmawacana , wangun dharmawacana , pelajaran bahasa bali , adat bali , apa itu dharmawacana , pengertian dharmawacana , dharmawacana adalah , cara membuat dharmawacana , fungsi dhramawacana , tujuan dharmawacana , cara berdharmawacana , sor singgih dharmawacana, malajah basa bali, belajar bahasa bali, learn baliness, malajah bahasa bali

CONTENT :

Om Swastiastu,

Inggih semeton sareng sami, ring galahe sane becik niki titiang jagi ngaturang dharmawacana sane mamurda "KILAS RAHINA SARASWATI".

KILAS RAHINA SARASWATI

            Suksma aturang titiang ring pengenter acara utawi ugrawakiya antuk galah sane kaicen. Bapak kepala sekolah, bapak ibu guru, bapak ibu panitia, bapak ibu stap sekolah sane singgihing titiang, miwah pare semeton sane tresna asihin titiang. Ring rahinane mangkin titiang selaku perwakilan kelas XI MIA¹ jagi maktayang dharmawacana.

            Sadurungne titiang mangatur-atur, ngiring sareng-sareng ngaturang parama suksma ring SHANG HYANG WIDHI WASA. Duaning sangkaning pasuecan utawi asung kerta waranugraha IDA SHANG HYANG WIDHI, iraga sareng sami presida mapupul deriki, ngelaksanayang acara penyambutan rahina SARASWATI sane kalaksanayang ring pinanggal 10 rahina sukra watugunung sasih sadha, titiang nunas panglugrayang jagi ngaturang pangastungkara panganjali.

OM SWASTIASTU.

            Sane kapartama ngindikin napi nika rahina SARASWATI ? Inggih mawit napi sane kauningayang rahina SARASWATI punika rahina sane kasuciang antuk umat HINDUNE sane di BALI. Ring rahina puniki para umat HINDUNE akeh sane ngalaksanayang pangabaktian, nunas mangda ngemolihang kaweruhan mangda sida kaanggen nabdabang jagat ring SHANG HYANG RATU AJI SARASWATI sane pinake silih sinunggil manipestasi IDA SHANG HYANG WIDHA WASA.

            Sane kapingkalih ngindikin karauhan rahina SARASWATI. Inggih ida dane sareng sami, sakadi sane sampun kauningang rahnia SARASWATI punika rauhnyane enem sasih apisan manut ring rahina SANISCARA UMANIS UKU WATUGUNG. Sane maarti iraga ngalaksanayang rahina SARASWATI kapingkalih atiban. Punika mawinan rahina SARASWATI niki kasorohang ring rahina sane manut pawukon miwah kasorohang yadnya sane manut ring NAIMITIKA YADNYA- yadnya sane kalaksanayang sabilang rahina-rahina sane manut saking uger-uger-.

            Sane kapingtiga ngindikan sejarah rahina SARASWATI. Makasami sane wenten ring mercepada puniki pastike madue sejarahnyane, ten ical rahina SARASWATI puniki. Inggih ida dane sareng sami, sejarah rahina SARASWATI punika kadulurung antuk SHANG HYANG AJI SARASWATI sane kapralambangin marupa dewi sane jegeg. Kajegegan puniki pateh tekening ilmu pengetahuan sane madue daya tarik. SHANG HYANG AJI SARASWATI inggih punika saktine SHANG HYANG AJI BRAHMA.

            Sane kapingpat ngindikin mawinan iraga ngelaksanayang rahina SARASWATI. Inggih ida dane sareng sami, iraga dados jatma sane ‘papa’ utawi madue dosa ngelaksanayang rahina SARASWATI puniki nenten je tiosan mawinan irage jagi ngaturang parama suksma majeng ring SHANG HYANG AJI SARASWATI. Ngawitin antuk ilmu pengetahuan utawi kaweruhan  sane sampun kaice ring irage soang-soang.

            Sane kapinglima ngindikin mawinan irage ngaturang suksma ring SANG HYANG AJI SARASWATI. Inggih ida dane sareng sami, sampun sapatutne irage ngaturang suksma ring SANG HYANG AJI SARASWATI mawinan ida sane ngicen irage sane ‘papa’ puniki kaweruhan. Yenning kapinehang, kaweruhan puniki sane marupa ‘bekel’ sane paling mangutama, mawinan tanpe kaweruhan irage nenten presida ngelaksanayang napi-napi. Inggih, pinehang malih. Napi sane kanggen mangkin ? Baju ? Jaler ? Kamen ? HP ? miwah sane lianan punika wenten lan irage mreside ngaryanang lan nganggen nenten je tios karana kaweruhan sane kaice olih SANG HYANG AJI SARSWATI.

            Sane kaping enem ngindikin napi dadosne yening iraga nenten madue kaweruhan ? Inggih ida dane sareng sami, sadurung nyane pinehang napi dadosne pulpen sane nenten madaging tinta ? Kirang langkungne sapunika dadosne yening iraga nenten madue kaweruhan. Tanpe kaweruhan punika iragaboya je melahan tekening bedogol, nenten je melahan tekening siap sambehin injin, nenten je melahan tekening be sane paling ngalih yeh di telagane. Tanpe kaweruhan irage nenten mreside mapineh, nenten uning napi sane becik napi sane ten-becik, nenten uning napi sane manut napi sane iwang. Pasemetonan iraga aluh ka-adu domba, aluh bane anake mogboggin irage.

            Inggih ida dane sareng sami, wantah asapunika dharmawacana sane prasida baktayang titiang. Dumogi-dumadak napi sane aturang titiang wenten pikenehnyane.

            Inggih ida dane sareng sami, suksma aturang titiang antuk sane sampun kaice ring padewek titiang puniki, mawit uratian sane sampun kaice. Titiang nenten je jatma sane becik, sadadosne jatma sane papa pastika titiang wenten kirang langkung. Geng Rna pangampura tunas titiang antuk parilaksana lan pangatur-atur titiang sane nenten manut ring manah ida dane sareng sami. Dumogi-dumadak titiang lan ida dane sareng sami setate ngemolihang kerahajengan lan kerahayuan. Dharmawacana sane kabaktayang olih padewekan titiang kasineb antuk para shanti.

OM SHANTI, SHANTI, SHANTI OM.

Kasurat utawi kaketik olih : DEGUS.
Sarengin ring Instagram : degus_id

Yening wenten semeton sane madue karya minakadi dharmawacana, satua, miawal sane lianan, dados kirim meriki utawi klik ring kontak, elingang nagingin Instagram utawi sane lianan, sane keanggen promosi.

Inggih semeton sareng sami, wantah asapunika dhrama wacana sane preside aturang titiang, kirang langkung titiang nunas pangampura.

Om Shanti, shanti, shanti Om.